(2016.05.17)

2015 kanpainari dagokion landarekien ekoizpena, salerosketa eta autokontsumorako laguntzak eskatzeko epea zabaldu da. Eskaerak ekainaren 3a arte aurkeztu ahal izango dira AGA, S. Coop-k Gasteizen duen egoitzan.

Nahi izanez gero kudeaketa teknikoko zuen teknikariarekin harremanetan jarri zaitezkete.

(2020.09.04)

Irailaren 3an argitaratu dituzte Euskal Herriko Agintaritzaren Aldizkari 2015-2020 aldirako EAEko Landa Garapeneko Programaren esparruan onartu ziren Leader eremuko landa-inguruko udalerrien ekonomia sustatu, garatu eta dibertsifikatzeko laguntzak. oinarri arautzaileak eta 2020ko deialdia. Ekonomiaren Garapen eta azpiegitura Sailaren ekimenez bideratutako deialdiaren testu osoa esteka_honen_bidez

Deialdi honen xede dira jarraian zehazten diren lerro hauek:

• Ekintzailetarako laguntzak.
• Enpresak sortu, handitu eta modernizatzeko laguntzak.
• Besteren kontura kontratatzeko laguntzak.
• Udalerrien azpiegiturak eta oinarrizko zerbitzuak egin eta berritzeko laguntzak.
• Etxebizitzarako laguntzak.

 Epea: Eskaerak aurkezteko epea 2020ko urriaren 2ean amaituko da.

(2019.09.12)

Atzo Ordiziako Euskal Jaien azoka ospatu zen. Besteak beste, fruitu eta barazki lehiaketa, perretxiko erakusketa, euskal oiloen lehiaketa eta Gipuzkoako Piriniar Arrazako Behi-Azienden lehiaketak burutu ziren Ordizian. Aipatzekoa da, Pedro Katarain abeltzain idiazabaldarra omendu zutela, bizi osoa ofizio honetan eman eta gero. Era berean Gazta Lehiaketako Sariak banatu zituzten Beti Alai pilotalekuan. Lekarozko Kortaria gaztandegiak irabazi zuen sari nagusia, bigarren urtez jarraian. Hori Ordizian gertatu den aurreneko aldia da. Joseba Insausti ordiziarrak ere errepikatu egin zuen 2. postuan. Sarituen artean bada beste goierritar bat ere, Beñat Barandiaran idiazabaldarra, 3. tokian. Enkantean, Donostiako Beti-Jai Berri jatetxeko Pablo Sotok erosi zuen gazta irabazlearen erdia, 9.000 euro ordainduta.

• 1. Saria. Kortaria gaztandegia (Lekaroz)
• 2. Saria. Joseba Insausti (Ordizia)
• 3. Saria. Beñat Barandiaran (Idiazabal)
• 4. Saria. Ricardo Remiro (Eulate)
• 5. Saria. Mausitxa gaztandegia (Elgoibar)

Berria eta argazki gehiago hurrengo web orrietan aurki daitezke:

https://goierri.hitza.eus/2019/09/11/ordiziako-euskal-jaietako-azoka-iruditan-3/

https://www.diariovasco.com/tolosa-goierri/ordizia/ordizia-queso-pastores-20190911111921-nt.html 

(2021.06.25)

Nekazaritzako, elikagaigintzako eta arrantza eta akuikulturatik eratorritako produktuak eraldatzeko eta merkaturatzeko laguntzak emateko 2021ko deialdiaren oinarriak onartzen dituen LEHIATU BERRIA agindua argitaratu da.

Eskabideak aurkezteko epea hilabetekoa izango da, agindu hau Euskal Herriko Agintaritzaren Aldizkarian argitaratu eta hurrengo egunetik kontatzen hasita.