(2019.02.30)

Urtarrilaren 29an Energiaren Euskal Erakundeko zuzendari nagusiak 2020rako autokontsumo elektrikorako energia berriztagarrien instalazioetan inbertsioak sustatzeko dirulaguntzen programaren oinarri arautzaileak onartu zituen ebazpen honen bidez.

Ebazpenaren 2. puntuan zehazten dira onuradunak. 

Eskabidea aurkezteko epea Euskal Herriko Agintaritza Aldizkarian («EHAA») oinarri hauek argitaratzen diren egunaren biharamuneko 08:00etan hasiko da  laguntza-programa honen kontura, eta laguntza programari esleitutako diru-saila agortzen denean amaituko da. Nolanahi ere, aipatutako aurrekontua agortu zein ez agortu, 2020ko urriaren 31n izango da azken eguna dirulaguntza eskabideak aurkezteko. 

4. puntuan berriz lagunduko diren jarduerak zehazten dira eta 8.puntutik aurrera, aurkeztu beharreko dokumentazioa aurkezten da.

(2019.03.16)

Pasa den larunbatean Ekonomiaren Garapen eta Azpiegitura Sailak coronavirusaren aurrean protokolo bat ezarri zuen, aldatuz joan daitekeena, ustialekuei eta elikagai industriei zuzenduta.

Momentuz gaztelaniako bertsioa bakarrik dugu eskuragai: protocolo_agricultura_alimentacin 

(2019.04.17)

Nekazaritzako, elikagaigintzako eta arrantza eta akuikulturatik eratorritako produktuak eraldatzeko eta merkaturatzeko laguntzak emateko 2020ko deialdiaren oinarriak onartzen dituen LEHIATU BERRIA agindua argitaratu da.

6. oinarriaren arabera, eskabideak aurkezteko epea Euskal Herriko Agintaritzaren Aldizkarian argitaratu eta hurrengo egunetik hasi eta alarma-egoera deklaratzen duen martxoaren 17ko 465/2020 Errege Dekretuak edo, hala badagokio, dekretu horren luzapenek indarra galtzen dutenetik hilabetera artekoa izango da. Eskaerarekin batera, oinarri honen 6. paragrafoan aipatzen diren agiriak aurkeztu beharko dira.

Informazio gehiago ondorengo loturan.

(2020.08.28)

Ekonomia Sustapeneko, Turismoko eta Landa Inguruneko Departamentuko foru diputatuak 2020ko  landareen izurriteen eta gaixotasunen aurka kontrol biologikoko organismoen eta feromonen erabilera sustatzeko diru laguntzen 2020ko deialdia onartu du 409 LI/2020ko Foru Aginduaren bidez (esteka).

Foru honen oinarri arautzaileak, 2017ko oinarri_arautzaileetan kontsultatu daitezke. 

  Besteak beste, oinarri hauetan honako hau aipatzen da:

3. Diruz lagundu ahal izango dira landaketen babes fitosanitariorako erabilera duten kontrol biologikoko organismoak, kolorezko tranpak eta feromonak, baldin eta bere helburua landaketaren defentsa fitosanitarioa bada. Elementu horiek ondorengo erregistro hauetakoren batean inskribatuta egon beharko dira:

— Babes fitosanitarioko baliabide batzuen erregistroa, 2014ko azaroaren 14ko 951/2014 Errege Dekretuak arautua.

— Produktu Fitosanitarioen Erregistro Ofiziala.

— Erostean salbuespenezko baimena duten produktuak, 1107/2009 Erregelamenduaren 53. artikuluaren arabera. Diruz lagunduko dira produktu fitosanitarioak biltegira tzeko armairuak, betiere 2012ko irailaren 14ko 1311/2012 Errege Dekretuaren 40. artikuluan ezarritako baldintzak betetzen badituzte. Ez da diruz lagunduko aipatutako babes fitosanitariorako produktuak erostean sortutako BEZa, ezta produktu horiek erostean sortutako zergak edo tasak ere.

4. Subentziona daitekeen gutxieneko gastua 300 euro da.  

Eskaerak aurkezteko epea eta tokia

Eskaerak, organo eskudunak onartutako ereduaren arabera, ustiategiari dagokion Eskualdeko Nekazaritza Bulegoan aurkeztu beharko dira Gipuzkoako ALDIZKARI OFIZIALEAN deialdia argitaratzen den egunetik (abuztuak 27) 15 laneguneko epean. Aurkezteko epea larunbata, igandea edo egun baliogabea bada, epea hurrengo egun baliodunera pasatuko da