(2013.11.20)

Aurtengoan ere Euskal Herriko Frisoi Txapelketa antolatu zen Tolosako Ferialekuan.

V. Euskal Herriko Frisoi Txapelketa antolatu dutenak oso balorazio positiboa egiten dute helburuak bete direlakoan. Alde batetik, lehiatutako animaliak genetika handikoak ziren, eta bestetik, esne sektorean lana egiten dugunon topagune bilakatu zen.

Maila handiko animaliak lehiatu ziren eta Nafarroako PLANILLO ustialekuko PLANILLO LOU LIRA behia izan zen behi txapeldunen txapelduna.

Sariak ematen Eusko Jaurlaritzako Nekazaritza, Arrantza eta Elikagaien Politikako sailburuordea eta Elikagaien Kalitate eta Industriako zuzendaria, Gipuzkoako Frisoi Elkarteko Presidentea, Foru Aldundiko  Berrikuntzako, Landa Garapeneko eta Turismoko Departamentuko Diputatua eta Nekazaritzako Zuzendaria, Tolosako Alkatea eta Kulturako Zinegotzia eta Aberekineko Kudeatzailea egon ziren. Ikus sari banaketa

Bertan biga bat zozketatu eta bazkari bat antolatu zen babesle, laguntzaile, ganaduzale eta antolatzaileentzako.

 

(2019.07.04)

Irunen, uztailaren 1ean ospatu zen XX. Irungo Frisoi Txapelketa. Gertaerak pertsona asko hurbildu zituen, sektorekoak zein sektore kanpokoak. 

Txapelketan 5 ustialekuk hartu zuten parte: horietatik bakarra Gipuzkoarra, Ondazarte Gain, eta lau bizkaitarrak, Arroyo, Murrieta, Casa Nueva eta Ardeo. Guztira 45 buru izan ziren sei ataletan banatuta.

Pol Collell Sabaté kataluniako abeltzain eta CONAFEko epaile nazionala izan zen epailetzaren arduraduna. Bere hitzetan kalitate altuko animaliak aurkeztu ziren.

Bigen atalean, Casa Nuevako CASA NUEVA OCTANE BAMBI nabarmendu zen.

Behien atalean Igeldoko Ondazarte Gaineko ONDAZARTE MERIDIAN AFRODITA  izan zen behien txapeldunen txapelduna.

	BEHIEN TXAPELDUNEN TXAPELDUNA

TXAPELKETAREN EMAITZAK:

SARI BEREZIAK: 

(2019.11.18)

Pasa den larunbatean, hilak 16, Tolosan XI. EUSKAL HERRIKO FRISOI TXAPELKETA ospatu zen, Ferialekuan. Eguraldiak lagundu ez zuen arren, jende ugari hurbildu zen, bai sektorekoak baita sektore kanpokoak ere. 

Txapelketan 6 ustialekuk hartu zuten parte. Gipuzkoatik Ondazarte Gain; Bizkaiatik, Arroyo, Murrieta eta Casa Nueva, eta Nafarroatik Redin eta Planillo. Guztira 58 abelburu izan ziren txapelketan, zazpi ataletan banatuta. 

Honez gain, eta lehenengo aldiz, maneatzaile gazte onenei sariak eman zitzaizkien, bi ataletan banatuta. Lehenengo sailean 3-12 urte bitarteko 10 gaztek hartu zuten parte: Ondazarte Gain (2), Planillo (2), Casa Nueva (2), El Arroyo (1) eta Redin-Barberena (3) ustialekutako gaztetxoak izan ziren hain zuzen ere. 13-18 urte bitartekoak, berriz, 4 izan ziren, Lastaola, Xabordegi (2) eta Oiamarretik etorriak. Ordezkaritza zabala izan zen eta ez zioten batere erraza jarri epaileari erabakia. 

Aurtengoan Gabriel Blanco CONAFEko epailea izan da epailetzaren arduraduna. 

Bigen atalean, Casa Nuevako CASA NUEVA DOORMAN ALICIA nabarmendu zen.

Behien atalean Cascantetik etorritako Planillo baserriko PLANILLO LAUTHORITY LEIRE  izan zen behien txapeldunen txapelduna.

BEHIEN TXAPELDUNEN TXAPELDUNA	BIGEN TXAPELDUNEN TXAPELDUNA
PLANILLO LAUTHORITY LEIRE	CASA NUEVA DOORMAN ALICIA

EMAITZAK: 

(2021.11.22)

Pasa den larunbatean, hilak 20, Tolosan XII. EUSKAL HERRIKO FRISOI TXAPELKETA ospatu zen, Ferialekuan.   

Txapelketan 7 ustialekuk hartu zuten parte. Gipuzkoatik Ondazarte Gain; Bizkaiatik, Arroyo, Murrieta eta Casa Nueva, eta Nafarroatik Garbiñe, Redin-Barberena eta Planillo. Guztira 60 abelburu izan ziren txapelketan, zortzi ataletan banatuta. 

Hainbat sari berezi ere banatu ziren: ustiategirik onenari saria, ABEREKINgo zezenen ala onenari saria, txapelketako errape onenari duen behiari saria eta maneatzaile gazte onenari saria. Azken sari hau bi ataletan banatu zen adinaren arabera. Lehenengo sailean 3-12 urte bitarteko gazteek hartu zuten parte; bigarrenean 13-18 urte bitartekoak. Ordezkaritza zabala izan zen eta ez zioten batere erraza jarri epaileari erabakia. 

Aurtengoan Pol Collell Sabaté izan zen epailea. CONAFEko epaile izateaz gain familiaren baserriaren kudeaketaz arduratzen da "El Campgran" ustialekuan.Aurretik ere izan da Tolosako txapelketan eta Irungo txapelketan. Berak ere lehiaketa morfologikoetan parte hartu izan du bere animaliekin.

Argazkia: Tolosaldeko ataria 

Sariak partehartzaile ezberdinen artean banatu ziren. Goizetik hasi zen txapelketa eta eguerdian eman zitzaion bukaera sari banaketekin. 

Bigen atalean, Ardeoko ARDEO KING ROYAL nabarmendu zen.

Behien atalean, berriz, Cascantetik etorritako Planillo baserriko PLANILLO SID  izan zen behien txapeldunen txapelduna. Txapelketako behirik zaharrena zen.

Argazki gehiago eta berria ikusteko:

 https://ataria.eus/tolosa/1637418630376-xii-euskal-herriko-frisoi-txapelketa

 https://www.28kanala.eus/saioak-28-kanala/75-herriak/tolosa/10599-xii-euskal-herriko-frisoi-txapelketa-ospatu-dute-feria-lekuan

EMAITZAK: