Skip to content
Narrow screen resolution Wide screen resolution Auto adjust screen size Increase font size Decrease font size Default font size

.

LIFE GREEN SHEEP ABIAN DA!

(2022.04.19)

Berotegi efektuko gasen (BEG) isurpenari buruz ia egunero daude berriak ohiko hedabideetan. Beste sektoretakoa baino txikiagoa izanik ere, lehen sektoreak badu bere ardura eta hobetzeko aukera. Gainera, estatu eta Europa mailako erakunde publikoek, supermerkatu-kateek eta kontsumitzaileek abeltzaintzaren ingurumen-inpaktua murriztea eskatzen dute. Aldaketa hori lortzeko lehen urratsa ez da ingurumen-inpaktua aitortzea bakarrik, baizik eta modu zehatzean kuantifikatzea. Ildo honi jarraituz, gero eta proiektu eta ikerketa gehiago egiten ari dira eta egingo dira. Horien artean, pasa den urtean, Life Green Sheep proiektua abiatu zen. Lurgintza Kooperatiba partaideetako bat da eta parte hartu nahi duten artzainak bilatzen ari dira, Euskal Autonomia Erkidego mailan. Iadanik oraina den etorkizunari aurrea hartzea da erronka.

2.jpegLIFE Green Sheep Europar Batasuneko LIFE programan kokatutako proiektua da eta bertan 5herrialdeetako diziplina anitzeko entitate ezberdinek ardi ustiapenek efizientzia hobetzeko ekintza egokituak identifikatu eta probatuko ditu bost urtez (2020-2025).

Proiektu honek ustialekuen jasangarritasun tekniko, ekonomiko eta soziala hobetzea du helburu, sektore honek karbonoa finkatzeko duen potentziala bultzatu eta karbono aztarna jaistea. Baten batek pentsatuko du, “zergatik da garrantzitsua karbono-aztarna ezagutzea?”. Lehenik eta behin, jarduera bakoitzak berotegi-efektuko gasen isuriari egiten dion ekarpenaz jabetzeko aukera ematen duelako, eta isuriei dagokienez, puntu kritikoak hauteman eta neurri zuzentzaileak proposatzeko aukera izango duelako. Jasangarritasun-neurri hau ekoizpen eta erakunde jasangarriak bereizteko eta indartzeko tresna berria da.

Lehen ekintza ikerlari eta teknikariei dagokie eta bukatzear dago: orain arte egindako ikerketa ezberdinetan hartutako neurri eta emaitzen bilketa egitea. Hurrengo urratsa proiektuan parte hartu nahi duten ustiategi bakoitzaren nahi eta beharretara egokitutako neurriak ezartzea izango da eta monitorizatu egingo da 4 urteetan zehar. Horretarako ardi sektoreko ustialeku ezberdinak behar dira, bai Gipuzkoan, Bizkaian eta Araban. Parte hartzaileek izango dituzten onura nagusiak hurrengoak dira: 1) emisioak murriztea, 2) energia aurrezteko eta ekonomia aurrezteko aukerak identifikatzea, 3) baliabide eta prozesuak optimizatzea, 4) hornitzaileen kudeaketa hobetzea, 5) produktua merkatuan kokatzea kontzientzia ekologikoa duten bezeroentzako erreferentzia gisa, lehiakideekiko bereizketa baita, eta 6) erakundeak klima-aldaketaren aurrean duen konpromisoa agerian jartzea, irudi korporatiboa hobetuz.

Proiektua beste gestio etxeekin batera koordinatuko da, beraz, parte hartu nahi dutenbaserritarrek bere gestio-etxeko teknikariarekin jarri beharko dute kontaktuan edo Lurgintzaradeituta (943 81 14 31, Itziar).

  

logo_life_green_sheep_hd.jpg
 
logo_life.jpg  
 
XI. EUSKAL HERRIKO FRISOI TXAPELKETA

(2021.11.22)

Pasa den larunbatean, hilak 20, Tolosan XII. EUSKAL HERRIKO FRISOI TXAPELKETA ospatu zen, Ferialekuan.   

Txapelketan 7 ustialekuk hartu zuten parte. Gipuzkoatik Ondazarte Gain; Bizkaiatik, Arroyo, Murrieta eta Casa Nueva, eta Nafarroatik Garbiñe, Redin-Barberena eta Planillo. Guztira 60 abelburu izan ziren txapelketan, zortzi ataletan banatuta

img_9153_tokikom_700x700.jpeg

Hainbat sari berezi ere banatu ziren: ustiategirik onenari saria, ABEREKINgo zezenen ala onenari saria, txapelketako errape onenari duen behiari saria eta maneatzaile gazte onenari saria. Azken sari hau bi ataletan banatu zen adinaren arabera. Lehenengo sailean 3-12 urte bitarteko gazteek hartu zuten parte; bigarrenean 13-18 urte bitartekoak. Ordezkaritza zabala izan zen eta ez zioten batere erraza jarri epaileari erabakia. 

Aurtengoan Pol Collell Sabaté izan zen epailea. CONAFEko epaile izateaz gain familiaren baserriaren kudeaketaz arduratzen da "El Campgran" ustialekuan.Aurretik ere izan da Tolosako txapelketan eta Irungo txapelketan. Berak ere lehiaketa morfologikoetan parte hartu izan du bere animaliekin.

 

Argazkia: Tolosaldeko ataria 

Sariak partehartzaile ezberdinen artean banatu ziren. Goizetik hasi zen txapelketa eta eguerdian eman zitzaion bukaera sari banaketekin. 

Bigen atalean, Ardeoko ARDEO KING ROYAL nabarmendu zen.

Behien atalean, berriz, Cascantetik etorritako Planillo baserriko PLANILLO SID  izan zen behien txapeldunen txapelduna. Txapelketako behirik zaharrena zen.

BEHIEN TXAPELDUNEN TXAPELDUNA   

      

img_9284_tokikom_700x700.jpeg

Argazkia: Tolosaldeko Ataria  

PLANILLO SID

   

Argazki gehiago eta berria ikusteko:

 https://ataria.eus/tolosa/1637418630376-xii-euskal-herriko-frisoi-txapelketa

 https://www.28kanala.eus/saioak-28-kanala/75-herriak/tolosa/10599-xii-euskal-herriko-frisoi-txapelketa-ospatu-dute-feria-lekuan

EMAITZAK:   

BIGAK
 LEHENENGO ATALA: 12 HILABETE BEHERAKO TXAHALAK 
  1. ES091530548479 ONDAZARTE-GAIN SIDEKICK         ONDAZARTE 
  2. ES091403098144 REDIN BARBERENA UNSTOPABULL REDIN BARBERENA 
BIGARREN ATALA: 12 HILABETETIK 16 HLABETE BITARTEKOAK
  1. ES091402918618 PLANILLO SIDEKICK                         PLANILLO 
  2. ES021403098136 REDIN-BARBERENA CRUSHABULL REDIN BARBERENA
HIRUGARREN ATALA: 16 HILABETETIK 20 HILABETE BITARTEKOAK
  1. ES041402918613 PLANILLO ARTIST PLANILLO 
  2. ES001520549465 MURRIETA MOOVIN MURRIETA
LAUGARREN ATALA: 16 HILABETETIK 20 HILABETE BITARTEKOAK
  1. ES081520535912 ARDEO KING ROYAL ARDEO
  2. ES051520538532 ARDEO CRUSHABULL ARDEO
BIGEN TXAPELDUNEN TXAPELDUNA ETA ERRESERBA
TXAPELDUNEN TXAPELDUNA     ES081520535912 ARDEO KING ROYAL               ARDEO
ERRESERBA                         ES091530548479  ONDAZARTE-GAIN SIDEKICK ONDAZARTE 

BEHIAK:
BOSTGARREN ATALA: ESNETAN DAUDEN 36 HILABETETIK BEHERAKO BEHIAK
  1. ES081402918537 PLANILLO SIDEKICK          PLANILLO 
  2. ES021520520597 CASA NUEVA LIGHTHOUSE  CASA NUEVA
SEIGARREN ATALA: ESNETAN DAUDEN 3 ETA 4 URTE ARTEKO BEHIAK
  1. ES001520514902 ARDEO KING ROYAL  ARDEO
  2. ES021402875213 PLANILLO EXPANDER  PLANILLO 
ZAZPIGARREN ATALA: ESNETAN DAUDEN 4 ETA 5 URTE ARTEKO BEHIAK
  1.  ES081520494338 CASA NUEVA DOUGLAS         CASA NUEVA
  2. ES001520483322 CASA NUEVA CAPITAL GAIN CASA NUEVA
ZORTZIGARREN ATALA: ESNETAN DAUDEN 5 URTETIK GORAKO BEHIAK
  1. ES051402760176 PLANILLO SID                 PLANILLO 
  2. ES091520475685 CASA NUEVA ATWOOD PLANILLO 
BEHIEN TXAPELDUNEN TXAPELDUNA ETA ERRESERBA
TXAPELDUNEN TXAPELDUNA ES051402760176  PLANILLO SIDEKICK                 PLANILLO 
ERRESERBA                              ES091530548479    ONDAZARTE-GAIN SIDEKICK          ONDAZARTE 

SARI BEREZIAK:
  • Ustiategi onena: Casa Nueva
  • Aberekineko zezenen alaba onena: ES081520494338 - Casa Nueva
  • Txapelketako errape onena duen behia: ES081520494338 - Casa Nueva
  • Maneiatzaile gazte onenak:
  • Infantilak: Andres Planillo Navarro
  • Junior: Javier Garcia Sanchez

PARTEHARTZAILE GUZTIAK

 img_9303_tokikom_700x700.jpeg

      

Argazkia: Tolosaldeko ataria

 

 
COVID-19ak sortutako krisiari aurre egiteko diru-laguntzak

(2021.08.05)

Ekonomia sustapeneko, turismoko eta landa inguruneko departamentuak. COVID-19ak nekazaritza eta abeltzaintza sektorean sortutako krisiari aurre egiteko diru-laguntzak emateko oinarri arautzaileak argitaratu zituen atzo, hilaren 4ean. 

5 azpisektoreei bideratuta daude, eta onuradunek bete beharreko baldintzak zehazten dira:

A) Behi-azienda (haragia, esnea), baldin eta, nekazaritza ogibide nagusia dutenak (ATP), eta 2020ko eskaera bakarrean, esnetarako eta haragitarako behien abeltzainei lotutako laguntza jasotzea onartu zaienak, gutxienez 10 behirako. Esne-behien eme ugaltzaile bakoitzeko, 55 euro. Haragi-behien eme bakoitzeko, 48 euro.

B) Ardi eta ahuntz azienda, baldin eta beren jarduera nagusia nekazaritza (ATP) bada eta 100 ardi ugaltzaile edo gehiago deklaratzen badituzte 2021. urteko nahitaezko aitorpenean (DAO) edo 40 ahuntz ugaltzaile edo gehiago deklaratzen badituzte n 2021. urteko nahitaezko aitorpenean. Ardi bakoitzeko: 7 euro. Ahuntz bakoitzeko: 10 euro.

C) Sagardoaren elaborazioa. Euskal Autonomia Erkidegoko Nekazaritza eta Elikagaigintza Industrien Erregistroan alta emanda dauden nekazaritza ustiategien titularrak edo titularkideak. Jarduera: sagardoa eta/edo frutetatik hartzitutako beste edari batzuk egitea. 1.500 euroko zenbateko finkoa sagardo egile bakoitzeko, gehi 0,03 euroko osagarria sagardoa egiteko erabiltzen den sagar kg bakoitzeko, Euskal Sagardoa izendapenarekin.

D) Txakolinaren elaborazioa. txakolina egiten dutenak eta Getariako Txakolina jatorri deituran inskribatuta daudenak. 1.500 euroko zenbateko finkoa txakolin egile bakoitzeko, gehi 125 euroko osagarria Getariako Txakolina jatorri-deitura duen txakolina egiteko erabiltzen den mahasti ha bakoitzeko, 2020ko ekoizpen-adierazpenaren arabera [...] (ikus deialdia)

E) Behi azienda suharra: zezen-ikuskizunak egiteko behi azienda suharra duten nekazaritza ustiategien titularrak edo titularkideak, beti ere 2019ko PFEZren aitorpenean, nekazaritzako jardueratik eratorritako diru-sarrerak gehi zezen ikuskizunetatik eratorritakoak beste jarduera batzuetatik eratorritakoak baino handiagoak badira. 50 euro 6 hilabetetik gorako behi aziendako animalia bakoitzeko, ustiategian 2021eko urtarrilaren 1ean erroldaren arabera.

 

Eskaerak nahitaez aurkeztuko dira Internet bidez, Gipuzkoako Foru Aldundiaren egoitza elektronikoaren bitartez (https://egoitza.gipuzkoa.eus), dirulaguntzen atarira sartuz sinadura elektronikoaren (BakQ) edo pasahitz operatiboa erabilita, horretarako eskuragarri dagoen berariazko formularioa erabiliz. 

Informazio gehiagorako:  2021_deialdia

 

 Lurgintza Kooperatiba bidez tramitatu nahi izanez gero, jarri zuen teknikari edo kontulariarekin harremanetan edo deitu 943 81 14 31 telefonora.

 
<< Lehena < Aurrekoa 1 2 3 4 5 6 7 8 9 10 Hurrengoa > Azkena >>

Emaitzak 1 - 4 Guztira: 98
logoa_emensaspi.jpg